Prezident “Qaraqalpaqstan Respublikası Ministrler Keńesi janında mádeniyattı qollap-quwatlaw fondın shólkemlestiriw haqqında”ǵı qararǵa qol qoydı

Fondtıń tiykarǵı wazıypaları tómendegilerden ibarat:

Mádeniyat hám kórkem óner tarawı wákilleri, qábiletli dóretiwshilerdi, ásirese, jaslardı materiallıq jaqtan qollap-quwatlaw;

Awır ekonomikalıq jaǵdayǵa túsip qalǵan, sociallıq qorǵawǵa mútáj mádeniyat hám kórkem óner xızmetkerlerin anıqlaw, olarǵa mánzilli sociallıq hám materiallıq járdem kórsetiw ilajların shólkemlestiriw hámde qarjılandırıw;

Mádeniyat hám kórkem óner mákemeleri jumısın materiallıq qollap-quwatlaw;

Dóretiwshiler, dóretiwshilik hám kórkemlik toparlardıń jergilikli hám sırt el gastrol saparların shólkemlestiriw;
Mádeniyat mákemeleriniń imaratları hám mádeniyat obektlerinde qurılıs-montaj jumısların alıp barıw, olardıń jumısına zamanagóy málimleme texnologiyaları hám aldınǵı innovaciyalardı engiziw hám basqalardan ibarat.

Fond qarjıların qáliplestiriw derekleri tómendegiler boladı:

Qaraqalpaqstan Respublikası respublika byudjetiniń qosımsha qarjıları hám rayon (qala)larınıń jergilikli byudjetinde qáliplesken qosımsha derekler esabınan hár sherekte ajıratılatuǵın qarjılar;

Xalıqaralıq qarjılıq shólkemler hám sırt el mámleketleriniń grantları hámde texnikalıq kómek qarjıları;

Fondtıń waqtınsha bos turǵan qarjıların kommerciyalıq banklerindegi depozitlerge jaylastırıwdan alınatuǵın dáramatlar hám basqalardan ibarat.

Kanalǵa aǵza bolıw: @joqargikenes

Kanalǵa aǵza bolıw: @joqargikenes