УЛЛЫ МАҚСЕТЛЕРГЕ БАСЛАЙДЫ

Бүгинги күнде елимизде оқыӯшыларды китап оқыӯға еле де тартыӯ, китапқумарлық мәдениятын арттырыӯ, олардың санасында китап оқыӯ арқалы өмирде өз орнын табыӯ, Ӯатанға деген меҳир-муҳаббатын арттырыӯ бойынша бир қанша илажлар әмелге асырылып киятыр.
6-февраль күни Тахтакөпир районлық Мәденият бөлимине қараслы «Мақпалкөл» мәденият орайында, 8-санлы улыӯма билим бериӯ мектебиниң китапқумар оқыӯшылары арасында «Әжайып майдан» интеллектуал ойыны болып өтти.
Оған мектептиң 9-10-11-класс оқыӯшылары қатнасты. Ойын жуӯмағында 11-класс оқыӯшысы Камшат Дүйсенбаева жеңимпаз деп табылып, районлық ярым финал басқышқа жоллама алды.
Илаж «Мақпалкөл» мәденият орайы дөгерек қатнасыӯшыларының концерт бағдарламасы менен даӯам етти.
Р.ЖИЙЕМУРАТОВ,
районлық Мәденият бөлими хызметкери

Пікір үстеу

Э-пошта мекенжайыңыз жарияланбайды. Міндетті өрістер * таңбаланған