«ҲӘЗИЛ МАЙДАНЫ»

Жақында Шоманай районлық Мәденият бөлиминиң Ҳәӯескерлик халық театры тәрепинен шөлкемлестирилген «Ҳәзил майданы» лигасының 2020-жылғы мәӯсиминиң ашылыӯ мәресими болып өтти. Оны район ҳәкими орынбасары А.Қайыпназаров салтанатлы жағдайда ашып берди. Быйыл екинши мәрте өткерилип атырған бул илажға республикамыздың барлық қала ҳәм районларындағы мектеплерден, колледж ҳәм жоқары оқыӯ орынларынан талантлы жаслардан ибарат командалар қатнасады. Лига басқышпа-басқыш февраль, март айларында болып өтеди. Саралаӯ, шереклик, ярым финал басқышларынан өткен қатнасыӯшылар финалда өз-ара күш сынасып, жеңимпазлар анықланады. Жарыс жуӯмағында жеңимпаз командаларға шөлкемлестириӯшилер тәрепинен таярланған ақшалай сыйлықлар тапсырылады. Финал басқышы ҳәм сыйлықлаӯ мәресими 1-апрель — Күлки күни болып өтеди.
«Ҳәзил майданы» лигасының шөлкемлестириӯ жумысларын райондағы Ҳәӯескерлик халық театрының режиссёры Қанат Айғазиев пенен сахналастырыӯшы художник Байрам Әдиловлар алып бармақта. Район ҳәкимлиги, районлық Өзбекстан Жаслар аӯқамы Шоманай районлық Кеңеси ҳәм де районлық Мәденият бөлими илаждың көтериңкилик руӯҳта өтиӯине үлес қосып, қоллап-қуӯатламақта.
Қ.АЙҒАЗИЕВ,
районлық мәденият бөлиминиң хызметкери

Пікір үстеу

Э-пошта мекенжайыңыз жарияланбайды. Міндетті өрістер * таңбаланған