УСТАЗЛАРҒА ҲҮРМЕТ КӨРСЕТИЛДИ

3-февраль күни Беруний районлық Мәденият бөлиминде жәмәәт ағзаларының қатнасыӯында мәжилис болып өтти. Илажды жәмәәт басшысы Эркабай Қурбанбаев ашты ҳәм басқарып барды. Өткен жыл даӯамында жәмәәт жумысларының алға илгерилеӯине үлес қосқан белсенди хызметкерлерге жәмәәт ағзалары атынан миннетдаршылық билдирилди. Соның менен бирге алдағы исленетуғын жумыслар бойынша ӯазыйпалар белгиленип, басқа да мәселелер көрип шығылды.
Буннан соң усы бөлимге қараслы «Алтынсай» ҳәм «Беруний» мәденият орайларында узақ жыллардан берли жемисли мийнет етип киятырған И.Жумамуратов ҳәм К.Алламовлардың напақа жасына жеткенлиги себепли мийнет дем алысына шығарыӯ салтанаты белгиленди. Онда сөзге шыққанлар кәсиплеслериниң узақ жыллар даӯамында ислеген хызметлери, жаслар өрнек аларлық ерискен табыслары, жәмәәт ағзалары менен мүнәсибетлери, жақсы пазыйлетлери ҳаққында мақтаныш пенен атап өтип, олар ушын таярланған естелик саӯғаларды салтанатлы жағдайда тапсырды.
Серикбай ХУДАЙБЕРГЕНОВ,
районлық Мәденият бөлиминиң бас қәнигеси

Пікір үстеу

Э-пошта мекенжайыңыз жарияланбайды. Міндетті өрістер * таңбаланған