«ҚУМҒА ШӨККЕН КЕМЕЛЕР»

5-февраль күни Қарақалпақстан Республикасы тарийхы ҳәм мәденияты мәмлекетлик музейинде тәбият бөлими тәрепинен шөлкемлестирилген «Қумға шөккен кемелер» атлы көргизбе ҳәм ушырасыӯ кешеси болып өтти. Оны тәбият бәлими баслығы И. Дәӯирханова ашып берди. Илажда Өзбекстан экология партиясы Қарақалпақстан Республикасы партия шөлкеминиң атқарыӯ комитетиниң баслығы Айсанем Бегимова ҳәзирги ӯақытта экологияны жақсылаӯ бойынша исленип атырған жумыслар ҳаққында айтып берди. Буннан соң ҚМУдың биология факультети деканының илимий ислер бойынша орынбасары А.Қыдырбаеваның «Арал кеше ҳәм бүгин» атамасындағы баянаты тыңланды. Сондай-ақ, кешеге белгили шайыра апаларымыз Г.Дәӯлетова ҳәм Г.Нурлепесовалар қатнасып, өзлериниң жазған қосықларын оқып берди.
Кеше соңында 12-санлы Әмет бақсы атындағы балалар музыка ҳәм көркем өнер мектеби оқыӯшыларының қатнасыӯындағы концерт бағдарламасы жыйналғанларға жоқары кейпият инәм етти.
Бахтыгүл САБУРОВА,
музейдиң илимий хызметкери

Пікір үстеу

Э-пошта мекенжайыңыз жарияланбайды. Міндетті өрістер * таңбаланған