«УСТАЗ-ШӘКИРТ» ДӘСТҮРИ ҲӘРЕКЕТТЕ

Пайтахтымыздағы 22-санлы балалар музыка ҳәм көркем өнер мектебинде өткерилген «Устаз-шәкирт» дәстүри шеңбериндеги илаж Өзбекстан халық артисти, балетмейстер Полат Мадреймов ҳәм Өзбекстан мәмлекетлик филармониясы Қарақалпақстан Республикасы бөлимине қараслы «Мухаллес» дуӯтаршылар ансамбли ағзаларының қатнасыӯында болып өтти.
Кеше даӯамында жыйналғанлар «Мухаллес» дуӯтаршылар ансамблиниң тарийхы, дөретиӯшилиги ҳаққында көплеген қунлы мағлыӯматларға ийе болып, соның менен бирге устаз балетмейстердиң өмири, дөретиӯшилик хызметлери, ерискен табыслары, жумыс барысында жүз берген қызықлы гүрриңлерин тыңлады.
Мазмунлы өткен илаж даӯамында мийманлар мектепте жумыс баслаған жас қәнигелер менен бирге мектеп оқыӯшыларына шеберлик сабағын өтип, өнер сырларын үйретти.
Байрам СЕЙТАНОВ,
мектеп директорының орынбасары

Пікір үстеу

Э-пошта мекенжайыңыз жарияланбайды. Міндетті өрістер * таңбаланған