БИРГЕЛИКТЕ ГҮРЕСЕЙИК!

Еркин ҳәм азат турмысымызға сая салыӯшы коррупцияға қарсы гүресиӯ бүгинги күнниң ең әҳмийетли ӯазыйпасы болып табылады.
6-февраль күни Қарақалпақ мәмлекетлик Жас тамашагөйлер театрында «Коррупцияға қарсы гүресиӯ әҳмийетли ӯазыйпа» атамасында мәжилис болып өтти. Оны театр директоры П.Айтмуратов ашты ҳәм алып барды.
Илажда сөзге шыққан Қарақалпақстан Республикасы Ишки ислер министрлигиниң Коррупцияға қарсы гүресиӯ бөлиминиң хызметкери, майор М.Сержанов, ҚМУдың доценти, юридика илимлериниң кандидаты М.Өтепбергеновлар мәмлекеттиң социаллық-экономикалық раӯажланыӯына тосқынлық етип, мәмлекетлик уйымлар ҳәм әпиӯайы пуқаралардың арасындағы исенимди жоқ етиӯге алып келетуғын унамсыз иллеттиң зыянлы ақыбетлери ҳаққында сөз етип, коррупцияға қарсы гүресиӯ бойынша усыныс-пикирлерин билдирди. Илаж даӯамында театр хызметкерлери өзлерин қызықтырған сораӯларға жуӯап алды.
Зияда
ЖАМУРАТОВА,
театрдың юрисконсульты

Пікір үстеу

Э-пошта мекенжайыңыз жарияланбайды. Міндетті өрістер * таңбаланған