«ҚЫССАХАНЛЫҚ ЖОЛЫ»

«Өмирбақый мийрас» Өзбекстан мәденияты ҳәм көркем өнери үгит-нәсият орайының Қарақалпақстан Республикасы бөлиминде халқымыздың узақ әсирлерден берли киятырған бай мәдениятын жәмийетшилик арасында кеңнен ең жайдырыӯ, соның менен бирге қарақалпақ халқының уллы өнерлериниң бири қыссаханлық өнерин жасларға үйретиӯ, келешек әӯладқа жеткериӯ жолында нәтийжели жумыслар әмелге асырылмақта.
Солар қатары бизиң қыссаханлық дәстүримиз қоллап-қуӯатланып, бөлимимиз Өзбекстан Республикасы Олий Мажлиси жанындағы мәмлекетлик емес,коммерциялық емес шөлкемлер менен пуқаралық жәмийетиниң басқа да институтларын қоллап-қуӯатлаӯ Жәмийетлик фонды тәрепинен 2020-жылы «Қыссаханлық жолы» темасындағы грант жойбарын жеңип алды.
Халық арасында мәдений мийрасқа, соның ишинде қыссаханлық көркем өнерин раӯажландырыӯ, миллий өзлигимизди ҳәм қәдириятларымызды сақлап қалыӯ, жаслардың билимин тереңлестириӯ менен бирге олардың китапқа болған қызығыӯшылықларын арттырыӯ мақсетинде қыссахан шайырлар, мәденият хызметкерлери ҳәм басқа да қәнигелердиң қатнасыӯында «Қыссаханлық жолы» атамасындағы сәӯбетлесиӯ кешеси болып өтти.
Оған белгили қыссахан шайыр, республикамыздағы көплеген қыссаханлардың устазы Халила Дәӯлетназаров, шәкирти, Нөкис қәнигелестирилген мәденият мектеби муғаллими Әжинияз Әбийбуллаев, Қарақалпақстан Республикасы «Мәдений мийрас» басқармасының баслығы Қ.Шарипов, Қарақалпақстан Республикасы көзи әззилер мектеп-интернаты ҳәм көркем өнер мектеби оқыӯшылары ҳ.т.б.лар қатнасты. Илаж соңында белсене қатнасқан оқыӯшы жасларға «Ҳүрмет жарлық» лары тапсырылды.
Л.АХЫМБЕТОВА,
«Өмирбақый мийрас» Өзбекстан мәденияты ҳәм көркем өнери үгит-нәсият орайының Қарақалпақстан Республикасы бөлиминиң директоры

Пікір үстеу

Э-пошта мекенжайыңыз жарияланбайды. Міндетті өрістер * таңбаланған