УМЫТЫЛМАС УШЫРАСЫЎЛАР

Ҳүрметли Президентимиздиң Мойнақ районына қаратылып атырған айрықша итибары ҳәм ғамхорлығы нәтийжесинде районда үлкен жаңаланыӯлар, өзгерислер жүз бермекте. Бүгин Мойнақ үлкен дөретиӯшилик майданына айланды. Сондай-ақ, район халқының турмыс дәрежесин көтериӯ, аймақ жасларының билим алыӯлары, кәсип-өнер ийелеӯлери ушын кең имкәниятлар жаратылмақта. Әсиресе, олардың пикирлери менен ортақласып, машқалаларын шешиӯде бүгин республикамыздағы барлық тийисли шөлкемлер белсендилик көрсетпекте.
Жақында Өзбекстан Республикасы Мәденият министрлигинен В.Файзиева, Қарақалпақстан Республикасы Мәденият министри Қ.Турдиев, министр орынбасары ӯ.ӯ.а. П.Әӯезмуратов, район ҳәкиминиң жаслар мәселелери бойынша орынбасары Б.Меңлибеков, районлық Мәденият бөлими баслығы Қ.Өтемуратова ҳәм Бердақ атындағы Қарақалпақ мәмлекетлик академиялық музыкалы театры, Өзбекстан мәмлекетлик филармониясы Қарақалпақстан Республикасы бөлиминиң дөретиӯшилик жәмәәтлери қатнасыӯында ушырасыӯлар, мәдений илажлар шөлкемлестирилди. Мәденият хызметкерлери үш күн даӯамында райондағы 2-санлы балалар музыка ҳәм көркем өнер мектеби, Жаслар орайы, «Мәдели» АПЖ аймағындағы «Порлытаӯ», «Шеге», «Бозатаӯ» АПЖ дағы «Қызылжар», «Ҳәким ата» АПЖ дағы «Дослық», «Қазақдәрья» аӯылларындағы улыӯма билим бериӯ мектеплеринде район жаслары ҳәм аймақ турғынлары менен ушырасып, пикирлести. Өткен жылдың 2u-декабрь күни Президентимиздиң жаслар менен болған ушырасыӯының мазмун-мәнисин халықтың кең қатламына түсиндирип, өз нәӯбетинде олардың кеӯил-кейпиятын көтериӯ, мәдений-руӯхый заӯық бағышлаӯ мақсетинде көркем өнер шеберлери тәрепинен концерт бағдарламалары шөлкемлестирилди. Әсиресе, Өзбекстанға хызмет көрсеткен артист М.Өтемуратов, Қарақалпақстан Республикасына мийнети сиңген мәденият хызметкери К.Хитжанов Қарақалпақстанға хызмет көрсеткен артистлер: С.Қәллибеков, А.Үсенова, Р.Сейтжанов, Р.Атажанов ҳ.т.б.лар менен бирге белгили эстрада қосықшылары, Мойнақ районлық Мәденият бөлиминиң хызметкерлериниң атқарыӯындағы йошлы концерт бағдарламасы жыйналғанларға йош, кейпият инәм етти.
Бекбосын
ҲИКМЕТУЛЛАЕВ,
районлық Мәденият бөлимине қараслы Амфитеатр директоры

Пікір үстеу

Э-пошта мекенжайыңыз жарияланбайды. Міндетті өрістер * таңбаланған