МӘРТЛЕР ҚОРҒАЙДЫ ӮАТАНДЫ!

Өзбекстан Республикасы Қураллы Күшлери дүзилгенине быйыл 28 толды. Усы мүнәсибет пенен 14-январь күни Бозатаӯ районындағы 20-санлы балалар музыка ҳәм көркем өнер мектебинде салтанатлы илаж болып өтти.
Оған район ҳәкими М.Қайпанов, Кегейли районы қорғаныӯ ислери бөлими баслығы У.Қошқаров, әскер Ж.Абдуллаев, нураный Ж.Арзымбетов ҳәм районлық r-санлы мектепке шекемги билимлендириӯ мәкемеси бөлим баслығы И.Қыясовалар менен бирге оқыӯшы жаслар, кең жәмийетшилик ӯәкиллери қатнасты.
Илажда сөзге шыққанлар елимиз тынышлығы, шегараларымыздың қол қатылмаслығын сақлаӯда, аспанымыздың ашықлығын тәмийинлеӯде, миллий армиямыздың орны айрықша екенлигин атап өтти.
Оннан соң район аймағында жайласқан 99951-санлы әскерий бөлим офицерлери ҳәм әскерлерине район ҳәкимияты тәрепинен таярланған «Ҳүрмет жарлық» лары салтанатлы жағдайда тапсырылды.
Илаж районлық мәденият бөлими ҳәм талантлы жаслар тәрепинен таярланған концерт бағдарламасы менен даӯам етти.
Еркин УСНАТДИНОВ,
районлық мәденият бөлими баслығы

***
Усындай илаж «Ӯатанды қорғаӯ — муқаддес ис» атамасында Республикалық көзи әззилер китапханасында да болып өтти. Оған жәмийет ағзалары, китаптан пайдаланыӯшылар ҳәм китапхана хызметкерлери қатнасты.
Өзбекстан Көзи әззилер жәмийети Қарақалпақстан бөлими баслығы Қ.Шарапов, китапхана кәсиплик аӯқамы баслығы Ж.Мадреймов, ПХК бөлими баслығы М.Абдирамановалар жыйналғанларды байрам менен қутлықлап, жақсы тилеклерин билдирди.
Оннан соң «Уллы мәмлекетти саламат әӯлад жаратады» атлы китап көргизбесине китапхананың жетекши библиографы Д.Төремуратова шолыӯ жасады.
Эльмира ШОРТАНОВА,
китапхана хызметкери
***
Сәнеге бағышланып 11-январь күни Қарақалпақстан Республикасы тарийхы ҳәм мәденияты мәмлекетлик музейи тәрепинен Арқа-Батыс әскерий округинде «Әскерге жазылған хат» атамасында көшпели көргизбе шөлкемлестирилди.
Кеше даӯамында жыйналғанларға музей жәмәәти тәрепинен алып келинген, музейден орын алған бийбаҳа мийрасларымыз, художниклердиң дөреткен әжайып картиналары ҳаққында кеңнен түсиниклер берилди.
Сондай-ақ, әскерлердиң кеӯиллерин көтериӯ мақсетинде олар менен бирге шахмат, шашка ойынлары өткерилди. Соның менен бирге әскерлер менен бирге олардың перзентлери де қатнасып, балалар музей ҳаққында өзлери қызыққан сораӯларына жуӯаплар алды.
Илаж даӯамында «Айқулаш» Қарақалпақ мәмлекетлик миллий фольклор ансамбли тәрепинен атқарылған концерт бағдарламасы көргизбе қатнасыӯшыларына жоқары кейпият бағышлады.
Светлана ПАЛМАНОВА,
музей хызметкери
***
Байрамға бағышланған илаж Төрткүл районында да болып өтти. Жыйналғанлар дәслеп район орайындағы «Ҳәсиретли ана» естелигине ҳәм баска да белгили орынларға гүл қойып, ҳүрмет көрсетти. Буннан соң районлық Мәденият сарайында салтанатлы мәжилис болып болып өтти. Оны район ҳәкиминиң биринши орынбасары Р.Ибадуллаев салтанатлы жағдайда ашты. Онда сөзге шыққанлар бәршени байрам менен қутлықлап жақсы тилеклерин билдирди.
Ӯатансүйиӯшилик айлығы шеңберинде белсене қатнасқан ҳәм жеңимпаз болған жаслар районлық мәденият сарайында мүнәсип сыйлықланды. Сондай-ақ усы тараӯда жемисли мийнет еткен қәнигелер де район ҳәкимлигиниң «Ҳүрмет жарлық»ларына миясар болды. Илаж районлық e-санлы балалар музыка ҳәм көркем өнер мектебиниң талантлы оқыӯшыларының қатнасыӯындағы концерт бағдарламасы менен даӯам етти.
Назокат БАЛТАБАЕВА,
районлық мәденият бөлими қәнигеси
***
Қарақалпақстан Республикасы тарийхы ҳәм мәденияты мәмлекетлик музейинде 15-январь күни «Мен усы әзиз ел перзентимен» атамасындағы ушырасыӯ кешеси болып өтти. Оған Қарақалпақстан Республикасы Қорғаныӯ ислери басқармасы жанындағы шақырыӯшыларды әскерий-техник қәнигеликлер бойынша таярлаӯ орайы хызметкерлери ҳәм оқыӯшы-курсантлары, Нөкис қаласы 27-санлы улыӯма билим бериӯ мектебиниң оқыӯшылары қатнасты.
Музей хызметкерлери: Г.Нызанова, Н.Айтмуратова, Ш.Юсупова келген мийманларға сақланып атырған бийбаҳа мийрасымыз болған экспонатлар ҳаққында мағлыӯматлар берди. Қарақалпақстан Республикасы Қорғаныӯ ислери басқармасы жанындағы шақырыӯшыларды әскерий-техник қәнигелер бойынша таярлаӯ орайы баслығының орынбасары Е.Бегманов мектеп оқыӯшыларына орайда алып барылып атырған жумыслар, онда оқып атырған оқыӯшы-курсантлар. ол жерде жаратылған шараятлар ҳаққында айтып берди. Мазмунлы өткен ушырасыӯ даӯамында қатнасыӯшылар өзлерин қызықтырған сораӯларға жуӯап алды.
Разия ӨТЕМУРАТОВА,
музейдиң бас қәнигеси

Пікір үстеу

Э-пошта мекенжайыңыз жарияланбайды. Міндетті өрістер * таңбаланған