НӨКИСТЕ ОПЕРА МЕКТЕП ИНТЕРНАТЫ ҚУРЫЛАДЫ

Қарақалпақстан Республикасында Опера өнерине қәнигелестирилген 100 орынлық мектеп-интернаты қурылады. Бул ҳаққында ӨзбекстанРеспубликасы Министрлер Кабинетиниң «Опера өнерине қәнигелестирилген мектеп-интернат шөлкемлестириў ҳаққында»ғы қарар жойбарында атап өтилген.
Ҳүжжет тийкарында Өзбекстан Республикасы Мәденият министрлиги, Қарақалпақстан Республикасы Министрлер Кеңеси ҳәм Өзбекстан композиторлар аўқамы, Қарақалпақстан Республикасы Нөкис қаласында опера өнерине қәнигелестирилген мектеп-интернат шөлкемлестириў ҳәм буның ушын имаратлар, объектлерди, соның ишинде, 100 орынлық 2 оқыў имараты, 50 орынлық жатақхана ҳәм асхана имаратын қурыў бойынша усынысы мақулланады.
Мектептиң тийкарғы ӯазыйпалары оқыўшыларды опера атқарыўшылығы бағдарында оқытыўдың заманагөй алдыңғы педагогикалық усылларынан кең пайдаланыў, оқыў процесине жаңа мәлимлеме-педагогикалық технологияларды енгизиў, оқыўшылардың жоқары дәрежеде сапалыбилим алыўын тәмийинлейтуғын мәмлекетлик талаплар шеңберинде қәнигелестирилген оқыў бағдарламаларын әмелге асырыў, опера өнери бойынша билим ҳәм көнликпелер, тарийхый ҳәм миллий дәстүрлерди пуқта ийелеген жас кадрларды таярлаў менен бирге билимлендириў процесине заманагөй педагогикалық ҳәм инновациялық технологияларды, мәденият ҳәм көркем өнер тараўында илимий тийкарда ерисилген алдынғы табысларды енгизиў болып табылады.
Мектеп-интернат Өзбекстан Республикасы Мәденият министрлиги системасындағы мәмлекетлик қәнигелестирилген билимлендириў мәкемеси болып есапланады, Өзбекстан Республикасы қаржы министрлиги қазнашылық бөлиминде жеке қазна есап-бетине, Өзбекстан Республикасының Мәмлекетлик гербиниң сүўрети түсирилген ҳәм өз атамасы жазылған мөрге, штампқа, бланкаларға ийе болады. 2021—2022-оқыў жылында мектеп-интернаттың 8- ҳәм 9-классларына, 2022—2023-оқыў жылынан баслап болса— 8-класына 25 оқыўшы таңлаў тийкарында қабыл етиледи.
Өзбекстан Республикасы Мәденият министрлигине мектеп-интернаттың материаллық-техникалық базасы, педагог кадрлардың потенциалы ҳәм талабынан келип шыға отырып, кейинги жылларда оқыўшыларды қабыллаў квоталарына өзгерислер киргизиў ҳуқықы бериледи.
Баспасөз ҳәм интернет материаллары тийкарында таярлаған: Райгүл
ҮББИНИЯЗОВА,
Нөкис педагогикалық колледжиниң музыкалық тәлим бағдарының 2-дәрежели оқытыӯшысы

Пікір үстеу

Э-пошта мекенжайыңыз жарияланбайды. Міндетті өрістер * таңбаланған