ТАЫСЛАР КӨЗ АЙДЫН

Өзбекстан мәмлекетлик көркем өнер ҳәм мәденият институты Нөкис филиалының «Кино, телевидение режиссёрлығы» қәнигелиги 1-курс студенти Азизбек Алламуратов, «Қуўыршақ театр режиссёрлығы» 1-курс студенти Азизбек Шымбергенов ҳәм «Музыкалы ҳәм драма театры актёрлығы» қәнигелигиниң 2-курс студенти Русланбек Джумамуратовлар өткен жылдың 18—21-декабрь күнлери Қазақстанда болып өткен VI Халықаралық «Гран При» көркем өнер фестивалында қатнасып, жеңимпаз болыӯға миясар болған еди.
ҒМДА мәмлекетлериниң көркем өнер ҳәм мәденият тараўындағы талантлы жаслары қатнасқан усы фестивальда Азизбек Алламуратов актёрлық жөнелисинде Өзбекстан Қаҳарманы, халық шайыры И.Юсуповтың «Қарақалпақ ҳаққында сөз» шығармасын көркемлеп оқыў, Азизбек Шымбергенов «Халық аяқ ойыны» жөнелиси бойынша «Қара жорға» қосығына миллий аяқ ойын ҳәм Русланбек Джумамуратов «Бақсышылық» жөнелиси бойынша «Сарыгүл адыңнан» атлы қосығын атқарып, Гран При жеңимпазы деп табылды.
Усы жылдың u-янарь күни Гран При жеңимпазлары болған үш қатнасыўшымызды қутлықлаў мәресими болып өтти. Кешеде филиал директоры П.Палӯаниязов студент-жаслардың қолға киргизген табыслары менен қызғын қутлықлап, диплом ҳәм баҳалы саўғалар менен сыйлықлады.
Өз гезегинде жарыс жеңимпазлары бундай жетискенликке ерисиўде билим берген устазлары: М.Исмайлова, Л.Оразымбетова, Г.Ходжаметова, Ж.Хожанов, Н.Примбетова, Г.Бекниязова ҳәм А.Заматдиновларға миннетдаршылық билдирди.
Ҳүрлиман
ТУРСЫНБАЕВА,
ӨзМКӨМИ Нөкис филиалының баспасөз хаткери
***
Усы жылдың 4—7-январь күнлери Қазақстан Республикасының Нур-Султан қаласында V Халықаралық көп жанрлы «Glоria» фестивалы болып өткен еди. Оған Республикамыздан Әжинияз атындағы НМПИ дың музыкалық тәлим бағдары студентлери Баҳадыр Қуӯатбаев ҳәм Қәллибек Муҳаммеддиновлар табыслы қатнасты.
Ғәрезсиз мәмлекетлердиң дослық аӯқамының көркем өнер ҳәм мәденият тараӯындағы талантлы жаслары қатнасқан усы фестивальда Баҳадыр «Әжинияз» операсынан Әжинияздың ариясын атқарып, академиялық вокал (соло) бағдарында Гран при жеңимпазы деп табылды. Ал, Қәллибек болса эстрада бағдары бойынша А.Өтениязова сөзи, Н.Мухаммеддинов намасына «Ӯатаным» қосығын атқарып, сыйлы 1-орынды ийелеӯге миясар болды.
Жас талант ийелериниң бул табысында оларға өнер сырларын жалықпастан үйретип киятырған устазы Өзбекстанда хызмет көрсеткен артист Айгүл Надырованың мийнетлери салмақлы.
Жеңимпазлар усы жарысқа қатнасыӯында қоллап-қуӯатлаған устазына ҳәм өзлери билим алып атырған оқыӯ дәргайы ҳәкимшилигине миннетдаршылығы шексиз.
Турсынбай ИЛЬЯСОВ,
НМПИ студенти

Пікір үстеу

Э-пошта мекенжайыңыз жарияланбайды. Міндетті өрістер * таңбаланған