САЛАМАТ ПЕРЗЕНТ ТӘРБИЯСЫ ӘҲМИЙЕТЛИ МӘСЕЛЕ

«Қарақалпақстан ҳаӯазы» газетасы Өзбекстан Республикасы Олий Мажлиси жанындағы жәмийетлик фондтың қоллап-қуӯатлаӯы тийкарында «Мен саламат турмыс тәризин үгит-нәсиятлайман!» атамасында мақалалар таңлаӯын жәриялаған еди. Редакциямыз жәмәәти менен биргеликте усы таңлаӯ қатнасыӯшыларының мақалалары менен танысып, олардың айырымларын газетамызда жәриялап барыӯды уйғардық.
—Телевизор, компьютер, телефон, қайсысы керек балам, тыныш отырсаң болды, мен жумысларымды ислеп алайын. Саатлап отырған баламның көзиниң нуры кетип, омыртқасының қыйсайыӯы ҳаққында ойлаӯ қыялыма да келмейди. Маған кесент етпесе, неше саат отырса да мейли. ?ақыт өтип өзиме үлкен зыяны тийетуғынлығын қайдан билиппен. Баламның сабаққа үлгериӯи жүдә төменлеп кетти. Муғаллиминен күнде сөз еситемиз. Қосық ядлатсам ҳеш есинде турмайды, умытшақ. Ашыӯшақ, қосжақпас болып баратыр. Енди не қыламан? Бул көпшилик ата-аналардың тәшӯишли машқаласы.
Ҳәзирги медицина мийдиң бәрқулла бәнт ҳәм излениӯде болыӯы кереклигин усынады. Себеби, ойлаӯдан, изленистен тоқтаса қартайыӯ процеси басланады екен.
Баланың есте сақлаӯ процесиниң жақсы раӯажланыӯы ушын тили шыққаннан баслап қосық, тақмақлар ядлатыӯ керек. Бул усыл сөзлерди дурыс айта алыӯ менен бирге, есте сақлаӯ қәбилетиниң раӯажланыӯына мүмкиншилик жаратады.
Әдебият сабағында күнделикли тапсырмаға қосымша еки шуӯмақ қосық ядлатыӯды өзиме үрдис етип алғанман. Бул усыл ҳәзир өз нәтийжесин берип атыр. Оқыӯшыларымның көпшилигиниң зейни илгир.
А.РАЗБЕКОВА,
Нөкис қаласындағы 25-санлы улыӯма билим бериӯ мектеби муғаллими

Пікір үстеу

Э-пошта мекенжайыңыз жарияланбайды. Міндетті өрістер * таңбаланған