АКТЁР МИЙМАНДА

Президентимиздиң басламасы менен жолға қойылған бес басламаны әмелге асырыӯ мақсетинде республикамыз көлеминде нәтийжели жумыслар әмелге асырылмақта.
Усы бағдарда «Арзыӯымдағы инсан менен ушырасыӯды қәлеймен» жойбары тийкарында Өзбекстан ҳәм Қарақалпақстан халық артисти, белгили актёр Ёдгор Саъдиев республикамызда мийманда болды.
6-ноябрь күни ол Беруний районындағы 6-санлы балалар музыка ҳәм көркем өнер мектебинде болып, өз ықласбентлери менен ушырасты. Бул жердеги жаратылған қолайлықларды көзден өткерип, талантлы жаслардың дөретиӯшилиги менен жақыннан танысты.
Ушырасыӯда сөзге шыққан район ҳәкими А.Сапарбаев район жасларының жыл даӯамында республикалық ҳәм халықаралық таңлаӯларда ерискен табысларын мақтаныш пенен атап өтти.
Илаж даӯамында жыйналғанлар елимизде мәденият тараӯының жоқары шоққыларға өрлеӯине үлес қосып, халық алғысына бөленген сүйикли актёрымыздың өмири, дөретиӯшилик хызметлери, кәсип машақатлары, ерискен табыслары ҳаққында көплеген мағлыӯматларға ийе болып, өзлерин қызықтырған сораӯларға жуӯаплар алды.
Актёр тәрепинен атқарылған жанлы ҳаӯаздағы қосықлар тамашагөйлерге айрықша йош-кейпият инәм етти.
Усындай дөретиӯшилик ушырасыӯлар Беруний, Хожели, Мойнақ, Елликқала районларында да болып өтти.
Илажларға Қарақалпақстан Республикасы Жоқарғы Кеңесиниң комитет баслығы Д.Қурбаниязов қатнасты.
Эльмира САЙТЖАНОВА,
Журналист

Пікір үстеу

Э-пошта мекенжайыңыз жарияланбайды. Міндетті өрістер * таңбаланған