«КЕМПИР АПАМ КИЙГЕН КИЙИМЛЕР»

Кеше Тақыятас Политехника колледжинде тийисли шөлкемлер менен биргеликте «Кемпир апам кийген кийимлер» атамасында көргизбели кеше болып өтти.
Оған районның белсенди ҳаял-қызлары, оқыӯшы жаслар менен кең жәмийетшилик ӯәкиллери қатнасты. Илажда «Шаңарақ» илимий-әмелий изертлеӯ орайы баслығы М.Жумамуратова, «Миллий тикланиш» демократиялық партиясы районлық кеңеси баслығы З.Тәжимуратова, мәлимлеме-ресурс орайы баслығы М.Бабажанова ҳ.т.б.лар сөзге шығып, өткерилип атырған илаждың әҳмийетине кеңнен тоқтап өтип, миллий кийимлеримиздиң турмысымызда тутқан орны туӯралы кең түрде түсиник берди. Өткерилген кешеде районлық Мәденият бөлиминиң хызметкерлери менен дөгерек қатнасыӯшылары да белсендилик көрсетти. Илаж соңында жыйналғанларға бөлим хызметкерлери тәрепинен концерт бағдарламасы қойып берилди.
Сәӯбет ПИРНАЗАРОВ,
районлық Мәденият бөлимниң бас қәнигеси

Пікір үстеу

Э-пошта мекенжайыңыз жарияланбайды. Міндетті өрістер * таңбаланған