«МЕН ДИРИЖЁРМАН»

Президентимиз тәрепинен алға қойылған бес басламаның орынланыӯын тәмийинлеӯ ҳәм бул бағдардағы жумыслардың нәтийжелигин еле де асырыӯ мақсетинде бизиң 22-санлы балалар музыка ҳәм көркем өнер мектеби жәмәәти тәрепинен де бир қатар нәтийжели жумыслар алып барылмақта. Усы жылдың май айында мектебимиз жанынан «Жаслар» халық сазлары оркестри шөлкемлестирилип, жумыс баслаған еди. Өткен алты ай даӯамында оркестр жәмәәти республикамыздың Тахтакөпир, Шымбай районларында сондай-ақ, түрли оқыӯ орынларында дөретиӯшилик сапарларда болып, өз өнерлерин халқымызға усынып киятыр.
30-октябрь күни оркестр жәмәәти ҳәрекеттеги бес баслама шеңбериндеги «Мен дирижёрман» жойбары тийкарында усы атамада Елликқала ҳәм Әмиӯдәрья районларындағы балалар музыка ҳәм көркем өнер мектеплерине концерт бағдарламасын шөлкемлестирди. Бундағы мақсетимиз, оқыӯшыларымызды музыка көркем өнериниң жоқары үлгилери менен таныстырыӯ менен бирге олардың қызығыӯшылықларын еле де арттырыӯ, дирижёрлық кәсиби ҳәм бул өнердиң әҳмийети менен жақыннан таныстырыӯ, сондай-ақ, қәбилетли жасларымызды қоллап-қуӯатлаӯдан ибарат.
Өткерилген илажларға мектеп жәмәәтлери, оқыӯшылар ҳәм олардың ата-аналары менен ҒХҚ хызметкерлери қатнасып, мазмунлы дем алды.
Ахмет
ТӘЖИМУРАТОВ,
мектеп директоры

Пікір үстеу

Э-пошта мекенжайыңыз жарияланбайды. Міндетті өрістер * таңбаланған