КИНО-КОНЦЕРТ ЗАЛЫ ПАЙДАЛАНЫЎҒА ТАПСЫРЫЛДЫ

Бүгинги күнде Президентимиз басшылығында барлық тараӯлар қатарында мәденият ҳәм көркем өнер саласын раӯажландырыӯға да айрықша итибар қаратылмақта. Тараӯда жемисли мийнет етип атырған дөретиӯши инсанларды қоллап-қуӯатлаӯ, олардың нәтийжели жумыс ислеӯлери ушын мүнәсип шараят жаратыӯ бойынша да кең көлемли жумыслар әмелге асырылмақта. Өткен қысқа ӯақыт ишинде Қарақалпақ мәмлекетлик Жас тамашагөйлер театры, Мойнақ районындағы мәденият бөлими ҳәм Амфитеатр ҳәм басқа да имаратлар жаңадан қурылып пайдаланыӯға тапсырылыӯы бәршемизди қуӯанышқа бөледи.
Усы жылдың август айында жаңадан қурып питкерилип, пайдаланыӯға тапсырылған Қарақалпақстан Республикасы тарийхы ҳәм мәденияты мәмлекетлик музейи болса халқымызды, соның ишинде, жасларымызды тарийхымызға, мәдениятымызға, миллий үрп-әдет және салт-дәстүрлеримизге ҳүрмет руӯхында тәрбиялаӯға хызмет етпекте.
Республикамыз тарийхында және бир қуӯанышлы ӯақыя жүз берип, усы жылдың 16-октябрь күни Нөкисте заманагөй кино-концерт залы пайдаланыўға тапсырылды.
Имараттың ашылыӯ салтанатына республикамыздың мәденият, әдебият,илим ғайраткерлери, кең жәмийетшилик ӯәкиллери менен ҒХҚ хызметкерлери қатнасты.
Илажда Қарақалпақстан Республикасы Жоқарғы Кеңеси Баслығының орынбасары А.Хамраев, «Нураный» қоры Қарақалпақстан Республикасы бөлиминиң баслығы, Қарақалпақстан халық жазыўшысы Ш.Уснатдинов, Өзбекстан мәмлекетлик филармониясы Қарақалпақстан Республикасы бөлими «Мухаллес» дуўтаршылар ансамблиниң бақсы-сазендеси, Зульфия атындағы мәмлекетлик сыйлықтың лауреаты, «Шухрат» медалының ийеси У.Орынбаевалар шығып сөйлеп, Президентимиздиң басшылығында мәдениятымыз бенен көркем өнеримизди раўажландырыў, тараўдың материаллық-техникалық базасын беккемлеў, талант ийелерин хошаметлеў бағдарында әмелге асырылып атырған кең көлемли илажларға тоқтап өтти.
Пайтахтымыздың көркине-көрк қосып турған бул имаратты «Инвесстрой Нукус» жуўапкершилиги шекленген жәмийетиниң қурылысшылары сапалы етип пайдаланыўға тапсырды. Улыўма 585 орынға мөлшерленген концерт залына ийе бул объектте 11 миллиард сумлық қурылыс оңлаў жумыслары әмелге асырылды.
—Дерлик 60 жылдан аслам тарийхына ийе жәмәәтимиз халқымыздың миллий мәдениятын тек елимизде емес, ал дүньяның көплеген еллерине көрсетип келмекте,—дейди «Айқулаш» Қарақалпақ мәмлекетлик миллий фольклор ансамблиниң директоры Аяпберген Алланиязов. —Жаңа имараттың пайдаланыўға тапсырылыўы көркем өнер жәмәәтлерин айрықша қуўанышқа бөлеп, жаңадан-жаңа дөретиўшилик табысларға руӯхландырады. Келешекте бул жерде түрли байрам илажларын өткериў режелестирилген.
Илаж қатнасыўшылары заманагөй кино-концерт залында жаратылған шараятлар менен танысты.
Қатнасыўшыларға көркем өнер шеберлери ҳәм жас атқарыўшылардың концерт бағдарламасы қойып берилди.
Эльмира
САЙТЖАНОВА,
журналист
М.ҲӘБИЙБУЛЛАЕВ тың түсирген сүўретлери

Пікір үстеу

Э-пошта мекенжайыңыз жарияланбайды. Міндетті өрістер * таңбаланған