Қанлыкөлде «Аўыл ҳаяллары күни» белгиленди

Қанлыкөл районында 15-октябрь – «Аўыл ҳаяллары күни» мүнәсибети менен байрам илажы өткерилип, онда район ҳәкими Д.Толыбаев, район ҳәкиминиң орынбасары, районлық Ҳаял-қызлар комитети баслығы С.Жуманова, бәрше тараў ўәкиллери ҳәм аўыл хожалығы тараўында көп жыллар даўамында хызмет етип атырған ҳаял-қызлар қатнасты. Өзбекстан Республикасы Президенти тәрепинен қабыл етилген бир қатар Пәрман ҳәм қарарларда елимиз ҳаял-қызларының ҳуқықларын қорғаў, оларды ҳәр тәреплеме қоллап-қуўатлаў, исбилерменлик ушын қолайлы шәраятлар жаратыў тийкарғы мақсет етип қойылған. Қарақалпақстан бойынша 627 ҳаял-қыз фермер хожалықларын басқарып киятырған болып, соннан, 98и пахташылық тараўында, 76 сы ғәллешилик бойынша ҳәм басқа да аўыл-хожалығының тараўларында хызмет көрсетип, қырманымызға өз үлесин қосып келмекте. Илажда аўыл хожалығы тараўында көп жыллардан берли мийнет етип келген белсенди ҳаял-қызларға, қәўендерлер тәрепинен «Ҳүрмет жарлығы» ҳәм баҳалы саўғалар тапсырылды.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған