ХАБАРЛАНДЫРЫЎ

Қарақалпақ ҳәм өзбек миллий қосықшылық өнериниң раӯажланыӯында салмақлы үлес қосқан, атақлы хош ҳаӯаз ийеси, Өзбекстан, Түркменстан, Қарақалпақстан ҳәм Татарстан халық артисти, Ҳамза атындағы Өзбекстан мәмлекетлик сыйлығының лауреаты Атажан Худайшукуровтың туӯылғанына быйыл ut жыл толады.
Юбилей мүнәсибети менен усы жылдың 24—26-октябрь күнлери Төрткүл районында «Ана дияр жыршысы» атамасында республикалық фестиваль өткериледи. Фестиваль шеңберинде устаз қосықшының өмири ҳәм дөретиӯшилигине бағышланып, көркем өнер шеберлери, жазыӯшы-шайырлар, жаслар қатнасыӯында «Устазға тәжим» атамасында әдебий ушырасыӯ кешелери шөлкемлестириледи. Соның менен бирге дәстүрий қосық, эстрада, бақсы-жыраӯлар ҳәм аяқ ойын өнери атқарыӯшылықлары бағдарларында жас талант ийелериниң таңлаӯы да болып өтеди. Таңлаӯдың районлық басқышлары усы жылдың 23-25-сентябрьде Қарақалпақстан Республикалық басқышы Нөкис қаласында 7-9-октябрьде, ал, Өзбекстан Республикалық басқышы болса 24—26-октябрь күнлери Төрткүл районында болып өтеди. Сондай-ақ, районындағы Атажан Худайшукуров атындағы Мәденият сарайында устаз қосықшының ҳүрметине бюсти орнатылып, музейи ҳәм көргизбеси шөлкемлестириледи, фонетикасы жаратылады.
Ҳәзирде фестивальға қызғын таярлықлар алып барылмақта. Фестивальдың ашылыӯ ҳәм жеңимпазларды сыйлықлаӯға бағышланған жабылыӯ мәресимлериниң сценарийлери жазылып, таярлық жумыслары алып барылмақта.
Ҳүрметли Ӯатанласлар, қәдирли көркем өнер шайдалары! Бәршеңизди фестивальға мирәт етемиз.

Қарақалпақстан Республикасы Мәденият министрлиги

Пікір үстеу

Э-пошта мекенжайыңыз жарияланбайды. Міндетті өрістер * таңбаланған