ЖАСЛАР ЖУМЫС ПЕНЕН ТӘМИЙИНЛЕНДИ

Бүгин Қарақалпақстан Республикасы Мәденият министри Қ.Турдиев Ташкент хореография жоқарғы мектеби питкериӯшилери менен ушырасып, жас кадрлардыӊ жумыс пенен тәмийинлениӯине әмелий жәрдем көрсетти. Нәтийжеде питкериӯши Икметуллаев Ҳамидулла ҳәм Сатимов Исламбеклер Бердақатындағы Қарақалпақ мәмлекетлик академиялық музыкалы театрына ҳәм Жалғасбаев Ҳажымхан менен Қосымбетов Ерназарлар «Айқулаш» Қарақалпақ мәмлекетлик миллий-фольклор ансамблине жумысқа орналасты.
-Аяқ ойынға кишкенелигимнен қызығаман. Ҳәзирги Нөкис қәнигелестирилген мәденият мектебин тамамлағанымнан соӊ оқыӯымды Ташкент хореография жоқарғы мектебинде даӯам еттим. Оқып жүрип Бердақ атындағы Қарақалпақ мәмлекетлик академиялық музыкалы ҳәм А.Наӯайы атындағы опера ҳәм балет театрларында жумыс иследим. Быйыл оқыӯды тамамлап келип, август айынан баслап жумысқа орналасалмай жүр едим. Бүгин бизлер Қарақалпақстан Республикасы Мәденият министри Қ.Турдиев қабыллаӯында болып, министрдиӊ тиккелей жәредми менен академиялық театрымызға жумысқа орналасып атырман. Бизлердей жас қәнигелерге болған итибары ҳәм қоллап-қуӯатлағаны ушын миннетдаршылық билдиремиз. Өз нәӯбетинде биз де, елимиздиӊ көркем өнер ҳәм мәденияты әсиресе, хореография өнериниӊ раӯажланыӯыны жолында бар күш-жигеримизди жумсаймыз,-дейди Икметуллаев Ҳамидулла.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған