Мукарамма Турғунбоева атындағы «Миллий ойын атқарыўшылары» республикалық көрик-таңлаўы

Мукарамма Турғунбоева атындағы «Миллий ойын атқарыўшылары» республикалық көрик-таңлаўы 2019-жылдан баслап хәр еки жылдан бир мәрте октябрь айында өткериледи. Таңлаў еки басқыштан ибарат болып, 1-басқыш сентябрь айында Қарақалпақстан Республикасы, Ташкент қаласы ҳәм ўәлаятлар көлеминде, жуўмақлаўшы басқыш таңлаў өткерилген жылдың октябрь айында Ташкент қаласында болып өтеди. Миллий ойын мәдениятын және де раўажландырыў, оны жоқары дәрежеге көтериў ҳәм дүнья саҳналарына алып шығыў, талантлы миллий ойын атқарыўшыларын ҳәм балетмейстрлерди жүзеге шығарыў, оларды қоллап-қуўатлаў ҳәм де дөретиўшилигин жәмийетке алып шыгыў, жаслар арасында миллий ойын мәдениятына қызығыўшылықты арттырыў-таңлаўдың тийкарғы мақсети есапланады. Республикалық көрик-таңлаўдың районларда өткерилетуғын басқышы 2019-жыл 9-15-сентябрь күнлери, Қарақалпақстан Республикасы басқышы усы жылдың 18-сентябрь күни Қарақалпақ мәмлекетлик жас тамашагөйлер театрында өткерилиўи режелестирилген. Таңлаўға 17 жастан 25 жасқа дейинги ойыншылар қатнасады.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған