МАҚАМШЫЛАРДЫҢ ТАЫСЫ

2018-жылы шөлкемлестирилип, Елликқала районының Мәденият орайында жумыс баслаған «Мақам» ансамблине Давронбек Адаев басшылық етпекте. Аз ғана ӯақыт ишинде жәмәәт ағзалары өзлериниң айрықша таланты менен көзге түсип, миллий қосықларымызды кәмине келтирип атқарып өз ықласпентлерине ийе болмақта. Республикамыз көлеминдеги байрам тамашалары менен таңлаӯларға белсене қатнасып, бираз жетискенликлерди қолға киргизди.
Жақында Хорезм ӯәлаятында өткерилген 888 Мақамшылар телевизиялық көрик таңлаӯында қатнасқан Қарақалпақстан Республикасы үлгили «Мақам» ансамбли «Мақам ансамбльлери» жөнелиси бойынша биринши орынды ийеледи ҳәм шөлкемлестириӯшилер тәрепинен таярланған баҳалы саӯғалар менен сыйлықланды. Сондай-ақ, таңлаӯдың «Жеке атқарыӯшылық» жөнелиси бойынша Шукурулло Абдуллаев биринши, Иноят Бозорбоев үшинши орынларды ийелеген болса, Алишер Каримбаев таңлаӯ лауреаты болды.
—Жеңимпазларымыздың ерискен табыслары жәмәәтимизди қуӯанышқа бөлеп, олардың алдағы дөретиӯшилик ислерине илҳәм бағышлап, жоқары шоққыларға қарай талпындырады,—дейди ансамбльдиң көркемлик жақтан басшысы Давронбек Адаев.
5-август күни Хорезм ӯәлаятының Агаҳий театрында 888 Мақам телевизиялық көрик таңлаӯы қатнасыӯшылары тәрепинен гала концерт ҳәм жеңимпазларды сыйлықлаӯ мәресими болып өтти.
Эльмира САЙТЖАНОВА

Пікір үстеу

Э-пошта мекенжайыңыз жарияланбайды. Міндетті өрістер * таңбаланған