«АРАЛ БАЛАЛАРЫ» ҚУӮАНЫШТА

Жақында Қарақалпақстан Республикасы И.В.Савицкий атындағы мәмлекетлик көркем өнер музейиниң илимий хызметкерлери Елликқала районында болып, ол жердеги «Арал балалары» балалар дем алыӯ орайында «Реңлер жилӯасы» атамасында фото көргизбелер шөлкемлестирди.
Музейдиң археология, этнография ҳәм сүӯретлеӯ өнери бөлимине тийисли экспонатлардың фотосүӯретлери тамашагөйлерде үлкен тәсир қалдырды. Сондай-ақ, сүӯрет салыӯға қызығыӯшы балаларға музейимиздиң илимий хызметкери, жас художник, Зулфия атындағы мәмлекетлик сыйлықтың лауреаты А.Сапекееваның басшылығында сүӯретлеӯ өнери бойынша «Мениң жазғы дем алысым», «Мениң Ӯатаным, Өзбекстаным» атамасында шеберлик сабақлары өткерилип, ең жақсы сүӯрет салған балаларға музей жәмәәти тәрепинен саӯғалар тапсырылды. Лагерде дем алып атырған оқыӯшылар өзлерин қызықтырған сораӯларына жуӯаплар алып, музей ҳаққында көп ғана мағлыӯматларға ийе болды.
Меҳирбан АЛЛАНИЯЗОВА,
музейдиң илимий хызметкери

Пікір үстеу

Э-пошта мекенжайыңыз жарияланбайды. Міндетті өрістер * таңбаланған