«Rally Muynak» жарысы қашан болып өтетуғынлығы белгили болды

Республикамызда биринши мәрте усы жылдың 2-4-май күнлери аралығында Мойнақ районында «Rally Muynak» автомоторалли жарысы болып өтеди. Бул ҳаққында New Muynak City каналы хабар берди.
Жарысқа Қарақалпақстан Республикасы, Ташкент қаласы ҳәм Өзбекстанның барлық ўәлаятларынан спортшылар қатнасыўы күтилмекте.
Мағлыўматларға қарағанда, трассаның узынлығы 364 километрди қурап, Арал теңизиниң қурыған түби, Судочье көли, Үстирт платосы ҳәм теңиздиң ҳәзирги суўы сақланып турған жерине шекемги аралықты өз ишине алады.
Ҳәзирги ўақытта жарыстың шөлкемлестириў жумыслары алып барылмақта.

Ислам Матеков.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған